Seni & Budaya

Pantun Nasehat Berbahasa Minangkabau

Payakumbuh – Dunsanak Kasadonyo sadang mancari contoh Pituah Rang Tuo, Petatah atau Petitih Minang. Dunsanak baranjua di tampek nan bana alias tapek. Ba a dek bak nantun kato Ambo? Karano di Blog Minangkabau ko, Baisi sagalo hal nan bamuatan jo baliran Minangkabau. Indak mamandang a suku Dunsanak kasadonyo. Tapi di Blog Minangkabau ko Dunsanak dapek maliek sagalo hal nan bakaitan jo Minangkabau, Baik itu Bahaso, Budayo jo Adaik Istiadak nan takandung di dalam Lingkuangan Alam Minangkabau Kito nan rancak ko. Baca juga Contoh Pidato Adat Baralek Minangkabau, Pasambahan Untuak Ka Makan.

Nan di kasempatan nan ko, Admin salaku urang nan mangalola lapak ko, Manyuguahkan Pantun Nasehat atau Pituah Rang Tuo ka bakeh Dunsanak Kasadonyo. Silahkan dibaco, di kopi jo disebarkan asa lai mambuek an tautan atau link baliak ka Blog Minangkabau ko. Ba a gak ti dunsanak lai ka raso tamakan? Kalau lai cubolah agak salayang. Baca juga Kumpulan dan Contoh Pidato Adat Minangkabau.

Pantun Nasehat Pituah Rang Tuo

Payokumbuah jalannyo luruih,
Singgah sabanta di Piladang.
Kok gantieng jan sampai putuih.
Tinnggakan juo salai banang.

Oi, Upiek rambahlah paku,
Nak tarang jalan kaparak.
Oi, Upiek ubahlah laku,
Nak sayang urang ka-awak.

Bak kato ambai ambai
Diguluang ombak Bak padati
Indak ba ganto Sungguah sansai
Di tingga amak Denai tagamang dibueknyo

Kalau indak dirumpuik saruik
Indak pandan kabadarai
Kalau indak dek sarik hiduik
Indak badan kabacarai

Payokumbuah koto nan ampek
Sasimpang jalan kalimbanang
Jalo lusuah ikan tak dapek
Badan lah dingin dek baranag

Lamo hiduik banyak di raso
Jauah bajalan banyak di liek
Jiko iman kurang di dado
Disiko umat mangko ka sasek…

Ratak limau dek binalu…..
Tumbuah sarumpun di tapi tabek…
Kok abih raso jo malu…
Bak kayu tangga pangabek….

Anak urang kampuang ilalang..
Nak lalu ka kampuang baso..
Malu jo sopan kalau ilang….
Abihlah raso jo pareso…

Tasabuik ulayaik minang kabau..
Lareh duo luaknyo tigo..
Nan tuo luak tanah data..
Nan bonsu luak limo puluah..
Nan tangah luak agam..

Panjangnyo bakaratan,lawehnyo basibiran..
Naknyo salamaik iduik di rantau..
Pacik pitaruah nan tuo-tuo..
Panompang lalu indak ba a…

Parik urang usah di runtuah..
Isuak kok jadi buah dandam..
Sansaro badan manangguangkan..

Sa andai mangko bakato.. Satolan mangko bajalan.. Duduak surang ba sampik-sampik.. Duduak basamo ba lapang-lapang..

Pandai-pandai lah manyerakkan jalo.. Lubuak nan banyak balarangan.. Kok cabiak kanai pinjaik… Kamalah badan ka batenggang..

Silungkang jalan manurun Manurun lari balari Kiambang disangko gurun Kironyo ranjau nan mananti

Pulau Pandan jauh di tangah… Di baliak pulau si angso duo… Hancua badan di kanduang tanah… Budi baiak takana juo..

Kaluak paku kacang balimbiang Tampuruang lenggang lenggok kan Di baok urang ka saruaso Anak di pangku kamanakan di bimbiang Urang kampuang di patenggang kan Jago Nagari jan Binaso

Manyauik di hilie hilie Kok bakto dibawah bawah Kok manyuruak bungkuak Kok malompek patah

Pai kakandang kambiang mangembek Pai kakandang jawi mamemeh Pai kakandang harimau mangaum.

Sumber: blogminangkabau 

You may also like